|
|
|
|
|
FFJ BERNLEF - GRINS
Wêr stiet F.F.J. Bernlef foar?
De feriening foar Fryske Jongerein Bernlef is yn 1925 oprjochte as in Studinteselskip foar Fryske Stúdzje, mei as doel it behâld en it befoarderjen fan it Frysk eigene ûnder de Fryske studinten yn Grins. Tsjintwurdich draait it by Bernlef foaral om de geselligens. It Frysk is de binende faktor foar in grut ferskaat, soms fier útienrinnende types fan minsken. Bernlef hat in iepen karakter, wat ta útdrukking komt yn it feit dat der gjin ‘ontgroening’ is, en ek gjin oare foarm fan ferplichte yntroduksje. Asto dy oanmeldst as kandidaatlid bisto op in pear formaliteiten nei fuortendaliks al folweardich lid.
Wêr kinne wy Bernlef fine?
De soasjeteit fan Bernlef is te finen oan de Tuinstraat, op nûmer twaentweintich. Fanôf de Grutte Merk is de soas ridlik maklik te berikken. Rin de poelestraat yn en rin dy strjitte út oant datst oer it Schuitendiep (brêge) bist. Dan moast lofts ôfslaan en dan fuortendaliks wer rjochtsôf. No bist al yn de Tuinstraat. It pân mei it blauwe úthingboerd dêr't 'BERNLEF' op stiet is de Pizel, de soasjeteit fan Bernlef.
Kom rêstich ris del atst nijsgjirrich bist nei ús. Bist yn prinsipe altyd wolkom, behalve op de dagen dat der in ledegearkomste (HG) is (sjoch dêrfoar op de aginda). Hâld der rekken mei datst it bêste op in tiisdeitejûn as in tongersdeitejûn delkomme kinst om't dat ús reguliere soasjûnen binne. Meastentiids wurdt it fan in oere as healwei alven ôf drok op de soas en faak hâlde wy pas wer op as echt eltsenien syn nocht hat (let dus).
|
