28 maaie wurdt in moaie dei. In dei foar stadjers en studinten, troch studinten. Oerdeis foar stadjers en harren bern, al binne leden mei berniche aspiraasjes ek fan herte wolkom. Mar let wol: allinne Bern mei Lef! Switten moat der wurde, nammentlik, op swiere spultastellen dy't ús Grutte Merk siere sille. Switte foar 'Warchild', ús tema dit jier.

Warchild wurket yn har programma's in soad mei sport. Neist it simpele feit dat dit sûn is foar in bern en bydraagt oan it selsbetrouen, is it in manier om bern sosjale feardichheden oan te learen en har oan te setten ta gearwurking. Dit moat it fundamint foar kriich fuorthelje. In nobel stribjen, dat seker.

Wy sille de 28e oardeis yn elts gefal opin wat lytsere skaal gearwurkje om ús tsjinstanders te rap ôf te wêzen. Jûns kin der dan oan'e sosjale feardichheden wurke wurde en yn gearwurking sa'n soad mooglik sopen wurde foar it goede doel; de 7 dielnimmende ferieningen hawwe nammentlik de hiele jûn harren doaren iepene!

Woesto altiid noch ris in kâlde kletser by Vindicat helje: dit is dyn kans! Wat der jûns op de ferieningen te dwaan is: tsjek de poster.

Oant dan!

Heal augustus is it wer safier. De keiwike stjit wer foar de doar. De FJK1 is alwer drok dwaande in daverjend program yn elkoar te draaien, sadat tiidens de Kei de doar mar platrûn wurde mei! Liiket it dy, lykas 'papa' Anton en 'mama' Jouke, moai dizze Keiwike der by te wêzen? It hiele wike as keipapa of keimama mei in groep earste jiers de stêd ûnfeilich meitsje? Jou dy dan no op as Keilieder en Ferken dyn Grins!

Fierders binne wy op syk nei immen dy't in âld bakfyts stean hat. De FJK1 hat der ferlet fan. Dus hasto san âld sweal stean dy't wy tiidens de keiwike brûke kinne, jou eefkes in gil!

http://www.bernlef.com/kei/

Novimber 2007. Sinteklaas komt oan yn Hurdegaryp. Yn it winkelsintrum is it smoardrok. Alle bern út it doarp binne by inoar kaam om de biskop wolkom te hjitten. It is hiel smûk: der wurdt dûnse, der wurdt lake, der wurdt songen. Oant de Sint freget oft der dan ek in Frysk Sinteklaasferske songen wurde kin.
It wurdt stil......tige stil......

De nije Stifting Warber Fryslân wol der wat oan dwaan en wy as FFJ Bernlef út Grins sille net stil sitten bliuwe.

Warber Fryslân sil soargje foar de produksje fan in kompakt skiif (CD), mei besteande en nije ferskes. Wy sille soargje dat elts de kans hat om hjiroan mei te wurkjen. It is fansels fan de gekke dat der hast gjin bern yn Fryslân is dy’t Fryske Sinteklaas ferskes sjonge kin!!

Skriuw derom op in besteande melodij in leuk Frysk sinteklaasferske. It jout neat, op hokker muzyk dat is, libje dy út!!

Soargje der wol foar dat FOAR 20 MAAIE dyn tekst mei dúdlik derby fermeld, de muzyk dy’t by dyn ferske heart, dyn namme en eameladres binnen is by stiftingwarberfryslan@bernlef.com.

Ek foar fragen en opmerkings kinst dit eamel adres brûke.
Ast mear witte wolst oer de stifting, sjoch dan op www.warberfryslan.nl

Neidat de Fryske Kameleonfilm yn 2002 útbrocht is, is der in rjochtsaak tsjin de feriening oanspand, troch ûnder oaren Uitgeverij Kluitman. Yntusken hat der in útspraak yn dizze saak west, en moatte wy yndie in boete betelje.

De kameleonfilm wie in ludike aksje omdat wy fan betinken wiene dat de film yn it Frysk útbrocht wurde moatten hie. Us fout wie dat wy deselde personaazjes as de Nederlânstalige film brûkt ha. Wy steane noch hieltiten efter dizze moaie aksje foar de Fryske taal.

Utspraak
De rjochter hat beslist dat wy ynbreuk makke ha op de auteursrjochten fan Kluitman. Yn de útspraak binne wy feroardiele ta it beteljen fan in totaalbedrach (ynklusyf juridyske kosten) fan sa'n 11.300 euro. De boete is yn earste ynstânsje foarsjitten troch in âldlid fan Bernlef.

Bernlef yn Aksje
Wy wolle it jild dat mei dizze saak muoit is graach sa rap mooglik werombetelje. Om dit jild wer werom te fertsjinjen wurdt der in aksje op tou setten. It idee wolle wy noch net nei bûten bringe, om’t wy noch drok dwaande binne mei it meitsjen fan konkrete ôfspraken mei guon partijen. Wy kinne wol sizze dat it wer in ludike aksje wurdt foar it Frysk, mar gjin twadde kameleonfilm.

Foar mear ynformaasje kin der kontakt opnaam wurde mei Jelmer Hitzert fan de aksjekommisje: 06-46616876
Maile kin nei bya@bernlef.com

Yn it prille begjin fan it jier 2006 kaam in groepke fanatiekelingen yn in oansketten bui op in goed idee. In liftkriich, in nij ynitsjatief binnen Bernlef. Tolve pioniers doarden it oan. Op'e bonnefooi, slechts wapene mei in tûme en in stik karton, mei mar ien doel: Berlijn. In dreche striid, mar nei in lange reis wiene alle seas pearen deselde deis noch te plak. In baas wykein hawwe wy hân!

Twa jier letter wurdt it noadich tiid de striid wer ris oan te gean. Tiid foar in nije liftstriid. Twa jier lyn waard Dútslân trochkrúst. Ek no sykje wy ús Easterbuorren wer op, mar yn stee fan rjochttroch slaan we no loftsôf by Hamburg richting Denemarken. Mei as eindoel: Kopenhagen!

Der wurdt liften yn pearen, twa froulju tegeare is net tastien, spitigernôch. Sykje in partner en jou dy op fia de side!

Sjoch jimme oan'e oare kant fan'e brêge!

Wybe-Jan